台灣影婚紗相 醒目自備 「安瓶」

今次分享客人黎揀衫時,講到啱啱去完台灣影婚紗相,發現準新娘去台灣出發前,很厲害地自己預備「安瓶」帶去,咁就可以避免不必要支出。

之前聽過不少新人話去台灣影相超支,加相可能係主要原因,另外影相當天雜項費用是另一個原因,而購買「安瓶」就是當中一項最常見既收費。

「安瓶」 其實係精華液,可以補充肌膚所需水份、抑制肌膚出油,所以化妝前用上它,可以有定妝作用。

至於是不是真的有需要使用,有機會再寫另一文章探討,但跟據呢位醒目自備 「安瓶」 既準新娘所講,自己起香港買帶去,俾起台灣向化妝師購買平好多,值得同大家分享 ^^

(提提每人肌膚唔同,留意成份、會唔會敏感等等、、、)

婚宴枱號禁忌

今次分享之前新人還衫時,講到編排晚宴枱號既難忘事情~~

為左傳統、避免不好諧音等因素,安排枱號會考慮數字的禁忌,好似4同13就會抽起唔用。為左平衡男女雙方親友枱號次序,有部分新人會安排1號枱男主家席,2號枱女主家席,3號枱男副主家席,之後女副主家席再如次類推。

今次新人一開始順序編排枱號,就無特別抽起咩數字,但係去到結婚當日,又突然間想跳過4字枱號(原因略過^^),就咁..原先4號枱女副主家席就被安排左其他枱號。

去到晚宴來賓入場前,會場職員起原先應該放4號字牌既紅色枱布副主家席枱,順序咁放左5號字牌,但座位表上5號枱既賓客就沒變, 依然係男方朋友……

賓客陸陸續續到逹會場,新娘忙於化妝換婚紗,新郎招呼來賓,好快到婚宴正式開始,一對新人進場,當佢地係台上發緊言個時突然發現,點解成班兄弟同朋友坐左係紅色枱布個張枱既……..

講到呢度我即時建議新郎,盡快安排請女方親戚食餐飯,就算佢地唔介意,都要好好道歉一下。同時唔好太放起心上,過左去就算喇~

決定戶外證婚時間要留意 ~ 陽光

現時有不少酒店、婚宴會場都設有室外證婚場地,供新人選擇,起翠綠草地舉行歐陸式證婚儀式,的確能令婚禮更難忘。但應該何時進行戶外證婚儀式較好?

Big Day早上流程 (接新娘、入門、外影…)、觀禮賓客情況 (只想親戚還是大部分朋友一同見證)、場地佈置時間、律師到逹時間、、、很多因素要考慮,其中光線問題最多人忽略。

有部分新人選擇迎賓前證婚,咁五點、五點半左右開始就啱啱好,但如果起冬季太陽早落山,咁呢個時間室外就好大機會光線不足~~~

攪得多Event就會常常預到~就得呢樣就唔到果樣。哈哈,所以無咩好擔心。預計到有光線不足問題,可以同場地方面傾傾,總會有解決方法。

 

received_10156172475892649

酒店 / 宴會廳進場方式

點樣進場好呢? 如果起酒店/宴會廳舉行緍禮,其實進場方式可以千變萬化,先介紹下最典型方式,進場次序︰

1.) 花仔花女 (如有安排)
2.) 伴娘伴郎、兄弟姊妹 (如有安排)
3.) 新郎爸爸媽媽
4.) 新郎
5.) 新娘+新娘爸爸 (進行交手儀式)

有新人覺得新娘媽媽無份參與進場既,咁就會安排新娘媽媽同新郎一同進場。

有啲新人唔想新娘爸爸完成交手儀式後獨自行回坐位,咁就會安排新郎新娘一同進場,雙方父母都不參予進場儀式。

之前有新人分享過,新娘先一個人由門口進場,行到中段時,場中射燈特然照去其中一張賓客枱座位,原來新郎一早坐起度,當新娘行近時才起身行出黎帶著新娘一同上台。

所以酒店/宴會廳進場方式可以按各人考慮重點自行修訂,諗一個最適合自己既進場方式la ^^

NDB0028 (F)

婚戒要戴得舒服 ~ 用內卜設計啦 ~

之前同一對新人傾計,婚後每日都會用到既結婚物資係咩? 答案係 ~ 結婚戒指 (好底用,哈哈)

既然之後日日都會戴,咁除左款式要鍾意之外,舒適度都十分重要。

所以可以考慮將結婚戒指內圈造成卜身設計 (內卜)。即係接觸手指果邊既內圈造成拱形。戴住戒指時就會覺得戒指邊好圓滑,舒適度即時提高好多。

當然戒指材料都好重要,有啲金屬硬身啲但係有褪色問題,有啲就軟身啲但唔會褪色,希望大家都搵到又靚又戴得舒服既結婚戒指啦 ^^

喜帖新人稱謂 ~ [長男]定係[小兒]

近期幫朋友望望佢張中式喜帖設計,一望到新人稱謂,就諗起之前有客人分享過,佢地印好晒喜帖,準備派出去先知道,新郎稱謂應該係 “小兒" 印錯左做 “長男",好采發現到~~~

我地先認識下中式喜帖稱謂點寫先:

長男:排行最大
次男:排行第二
幼男:排行最小
小兒:只有一位兒子

長女:排行最大
次女:排行第二
幼女:排行最小
小女:只有一位女兒

講番客人情況,新郎有一位妹妹,沒有兄弟、家姐。雖然新郎有一位妹妹,但起喜帖新人稱謂上,記得新郎只計家中兒子數量,唔計姐姐同妹妹;而新娘只計家中女兒數量,唔計哥哥同弟弟。

所以客人最終喜帖稱謂要用 “小兒" 先正確。

 

NDB0021_8

早拍晚播指定背景音樂 ~ Murphy’s Law

繼續婚享新人還衫時有趣事~~~話說新娘子好鍾意一首歌諗住做早拍晚播既背景音樂,佢同攝影公司聯絡員溝通完後,叫新娘係Big Day 當日直接交首歌俾攝影團隊就可以。

去到呢個位,新娘已經好細心,如果對成長片段、早拍晚播一早有想法,就要預早與攝影公司溝通。而攝影公司都好樂意提供協助,服務態度一流。

呢個安排其實都有伏,因為新娘又要化妝又要換衫影相,一時唔記得或者無交底件事俾的兄弟姊妹跟進;而同一時間,就算聯絡員有同攝影團隊講底,當日既攝影團隊都可能隨時忙到飯都無時間食,如果又一時唔記得~~~(咁似Murphy’s Law既,「凡是可能出錯的事必定會出錯」。)

我地都一樣需要起每次蝦碌事情後諗方法改進,將出錯的機會大大減少,應付 Murphy’s Law。講番呢個情況既最後結果~~~~ 新娘係 “有可能" 收到滿意既早拍晚播。哈哈,祝願每對新人都收到自己最鍾意既影片。

 

IMG-20151011-WA0008

物資檢查清單~Check List

今次分享下去觀禮又關於 Big Day 當日物資既趣事 (呢件事起朋友間可能會講返十年八載啦,哈哈~~~)

話說有一次星期六朝早出席朋友教堂婚禮,正正常常早15分鍾到達場地,諗住去簽名時發覺 Reception 無野,只有其中一位姊妹既老公起張檯旁邊……..

問一問原來成個流程遲左兄弟姊妹車、Reception裝飾野未到(遲左好平常,時不時發生),咁我未同姊妹老公去左兄弟姊妹落車位置等,諗住幫手搬下野同之後佈置張檯。

好快架車到喇,其中一位姊妹打開車門,我正想伸出援手拎野之際,佢語氣急速問我 ~ 有無頭紗? ~ 果下即時反應唔切 (好少可會俾唔到反應),原來一陣入場用頭紗留左起男家 (姊妹知我開婚紗舖所以見到我就問,我係有頭紗,不過我係唔會隨身帶住頭紗出席婚禮~~~) 。

最後姊妹都好厲害,起10分鐘左右已經起附近搵到間布行,買左塊白色透明布充當頭紗,勁 ~~~ 所以準備好一份清晰既 Check List,就算幾趕都好,離開一個位置時最好都要檢查完先走。

 

NDB0025 (F)

酒店指定出門套房

之前有新人還衫時分享,一早Book左既酒店房原來唔俾出門用,佢地即刻晴天霹靂…..

酒店出門地方夠大,又可以跟據Big Day當日行程選擇地點,所以有唔少新人都會選擇酒店出門。

但係部分酒店有提供出門專用套房,其他房間就唔可以用黎出門。除此之外,還要留意部分酒店規定佈置房間時不可留下痕跡、不可燃點蠟燭進行儀式等等。

當然一對新人最後順利解決左問題 ^^ 而起Book出門酒店房間時,建議最好講明係出門用途,問清楚酒店規則最穩陣。

NGB0020R (F) (2)

擇日不如撞日

好似今年咁,如果想二月結婚,婚期又接近農歴新年,其實合唔合適結婚呢~~~

訂日子大多講求好意頭和注意忌諱,結婚不宜與春節相沖,所以起傳統習俗上正月不太適合結婚。除左春節期間,不適合結婚重有4月、5月、盂蘭節、雙方家長生日月份、、、(擇日擇到頭都大嘛)

其實如果雙方家長唔拘泥起意頭、忌諱上面,一對新人真心相愛,日日都係好日子,結婚擇日不如撞日~~~

新一年祝大家開工大吉,工作順利^^

MA0045W (2)