最後一刻座位表

唔少新人起籌備婚禮最後階段,都會預到一個難題……..Seating Plan…….就算諗到點詳盡都好,到最後都係會改黎改去。

以我多次做兄弟姊妹最後開席前調動座位既經驗,每次起座位表上最想見到既係…….攝影化妝師們既名字。

預先安排攝影化妝師坐位,除左係對佢地既一點點重視 。(雖然佢地可能一星期食幾餐,加上要影相補妝,食唔食都無所謂)

另一個好處就係最後調動座位,如果最後賓客人數少左,攝影化妝師可分開填補單丁位 (或者有機會cut走一圍,計少圍錢或者留番新人遲啲食返都好)。

如果最後賓客人數多左,先用攝影化妝師坐位填補,再諗洗唔洗加圍數,通常酒店酒樓都會另外有menu專俾攝影化妝師﹐可以再安排一枱俾攝影化妝師用餐。

最後調位方法有好多種,上面講述只係其中一個情況,兄弟姊妹要隨機應變,而每間宴會場地加減圍數條款唔同,之前問定詳情最穩陣 ^^

白色婚紗

上次講完見到一對新人行禮時簽婚姻承諾書 ,近期又有新人問到行禮時係未一定要著白色婚紗?

“白色" 寓意純潔、忠誠,白色婚紗廣泛普及都只係近二百年左右既事,源於1840年英國維多利亞女皇結婚當日著既白色超長拖尾婚紗。

白色婚紗有其寓意,我接觸到大部分新人都依然係鍾情白色婚紗為主 ^^

婚姻承諾書

有唔少新人簽 “結婚証書" 同舉行婚禮唔同時間,琴日觀禮時就見到有基督教牧者主持婚禮時,預備左一份 “婚姻承諾書" 俾一對新人簽名。

無論結婚証書定婚姻承諾書,一樣都係新郎新娘給予對方終生既承諾,一樣咁有意義,見住你地讀誓詞同簽名時,場內紙巾馬上缺貨,我坐呢邊真係全部用曬~~~

琴日大好日好多新人結婚,祝所有人新婚快樂、白頭到老 ^^

試衫好重要

大家都知同一件衫唔同人著會有唔同效果,除左呢樣,之前有b2b黎試衫,介紹衫款時話唔試A-line款,傾傾下發現,原來之前起其他地方試過"一"套,覺得唔適合~~~

A-line款都有唔少變化,最後介紹左條高腰啲啲A-line款,試完即刻同印象唔同曬啦,哈哈~~~~